出賣肉體既定義?

Awa - 系上條thread「你會點做呢?」里ƃ

系上條thread「你會點做呢?」里面後尾我同galex兄大家討論做鴨既意見，與此同時，我就諗緊一樣野，好多人都對性工作好反感，覺得做既人好低等，出賣肉體好吾應該，等等等....

首先我講明先，呢條thread吾系支持同鼓勵大家去做雞/鴨，純討論。

我對「出賣肉體」既定義系：

"用身體的付出服務換來利益"

但除左性工作外，有好多工作都系"用身體的付出服務換來利益"。例如咕喱、雜技、一切要用要用體力既工作。文職工吾計啦，雖然腦都系身體一部份，但大家都知「出賣肉體」至少肯定系講緊吾洗點用腦的工作。

性工作同其他體力工作一樣，都系「出賣肉體」。呢個時候會有人話「出賣肉體」既人即「出賣自己尊嚴」，因為系利用自己身體對別人提供服務，系對尊嚴既一重踐踏，亦即指性工作者。但點解只有性工作先至算「出賣自己尊嚴」，而咕喱又吾算?

但「尊嚴」呢樣野好吾具體，每人對尊嚴既定點高低都吾一樣，系日本拍AV都可以好出名好受歡迎，系我屋企做咕哩做搬貨都俾人話你冇用。所以我想將尊嚴既因素排除。

至於犯吾犯法，又系睇你咩地方，大陸就犯法，荷蘭就合法。我同意「犯法既野吾應該做」，去做犯法既野可以合理地俾人睇吾起，但我地大家都系住香港，所以講返香港呢邊，性工作只要系一定既條件下，系吾犯法的，例如一樓一鳳。大家吾好同旺角掃場果D混淆，果D系北姑，來香港集團式賣淫系犯法的。由此可見，犯吾犯法又系冇一定既定義，所以我簡化為「害吾害人」具體D。我對「害人」既定義就系「在對方沒有良性選擇既情況下傷害對方而獲得利益」。

打劫、綁架、偷竊、搶野：你既對手(客仔?)都系冇良性選擇，一系反抗之後比你隊一刀，一系由你搶，所以呢個「工作」系應該被睇吾起。

犯毒：呢個有D灰色地帶，因為對方可以選擇吸毒或吾吸毒，所以吾算冇選擇，但如果上左癮，對方就變得冇選擇，一定要繼續，一系就去戒毒所，出黎都未必戒得甩。所以犯毒呢個工作，亦系「害人」既一種。

但嫖娼，對方絕對有選擇嫖或吾嫖，即使嫖完，都吾會話上癮，以後吾去吾得，控制權完全在客人手上。至於話嫖娼會散播性病，算系「害人」，但如果一個人濫交，亂搞吾帶套，一樣會惹到性病，之後再同人性交，一樣會惹到其他人，一樣系「害人」，所以「傳播性病」吾應該系性工作被人睇吾起既原因。

所以，吾明點解，只有性工作要被稱為「出賣肉體」或「出賣尊嚴」既工作。我覺得只要系做一件自己完全吾想去既事，而又逼住要去做時，先算系「出賣尊嚴」，但如果系咁，我覺得讀書都系「出賣自己尊嚴」，「出賣自我」既事，因為我吾鐘意讀書，但我又要逼住讀。

大家比D意見!