睇翻之前自己用手写嘅一篇日记，觉এ岚仔头Ⅱ - 爱情,都会重男轻女
睇翻之前自己用手写嘅一篇日记，觉得几得意，所以今日打翻上嚟∼∼
３月２３日
寻日去咗医院探阿婆，顺便去睇埋阿姨．阿姨讲咗Ｄ表哥同佢女朋友＂大三＂嘅事俾我听，大三係上海女仔，大我表哥三年，喺上海有钱有地位，但偏偏钟意我呢个乜都无嘅表哥．喺呢段感情关系中照常理应该係大三占上风先啱，但结果居然係我表哥．我表哥钟意就理下人，唔钟意就咩人都唔理，有时仲特登做Ｄ嘢激大三．情人节嗰日大三每半个钟头就打一次表哥屋企电话，搞到表哥街都无得出．我估係大三好惊表哥会走咗去．
我谂，男人同女人毕竟唔同．男人有钱有地位就会有爱情．但女人，努力争取咗钱同地位，仲要花心机去争取爱情．而且钱同地位唔可以提高女人喺爱情中嘅地位不特止，仲随时会成为爱情嘅绊脚石．爱情同面包之间嘅抉择，永远令女儿头痛．你要爱情，定係要面包？
无论几有钱同几有地位嘅女人，喺爱情面前都係卑微．
爱情，都会重男轻女．