映灣edison - 長今短說 第五十二集
大長屈第唔知幾回.
今集長今又比人屈啦,仲有邊個可以屈到佢呀,
咪就係今英隻狗,烈女
個烈女真係好戲,係申大人面前交足戲,最難得的係,長今又中晒招.
http://tvcity.tvb.com/drama/jewel_in_the_palace/story/img/408/13408J.jpg
個申必又懵,一句:你返去惠民署啦.
長今就咩都唔使講.
此乃第一屈,令我諗起小學個陣,比miss誤會個陣,
真係咩都唔使講,miss:頂嘴!?下!你夠膽頂嘴!?
之後,內醫女等又信烈女多過長今,
趕左去疫區做,長今都唔係唔想去,
佢地又話佢唔想去,又話佢自私,又話佢無品.
屈成咁,唔使下?
最慘係信非都唔夠膽信長今, -_-
趕左去疫區之後,都仲未停喎,
原來個烈女同死食醫(現在係內醫正大人)有路!
http://tvcity.tvb.com/drama/jewel_in_the_palace/story/img/408/15408J.jpg
呀,你對狗男女個幾秒調情戲真係好難頂,
睇到人想死
去到疫區一陣,係一陣咋,都唔夠一日,
死食醫指使個阿叔賣高價藥,再怒屈長今係幕後主使.
講得肯肯定定,監賑大人打算重罰嚴懲長今之際,
好彩趙奉事個閒人同長今保管銷匙,長今先逃過一劫.
屈人都唔使咁盡呀.
最賤係成日屈完人,知道事實後,又唔會講對唔住,
當冇事就算,好野好野真好野.
題外話,連趙奉事都愛上長今... -_-
屈左咁多次之後,仲未完,
最後亦都最勁的屈係,
烈女負責通知各醫女在翌日撤離村莊,今次個烈女指使長今到要村外的地方買藥,
然後在翌日趕返村內,仲話明要係已時返到,因為已時要封村,
驚死害唔到長今,
結果,長今緊係頼野啦,唯一值得慶幸的係閔大人不怕封村,同長今同生共死.
天作之合.
真係患難見真情.
ps.因為工事繁忙,長今短說拖左幾日,希望追開的讀者多加原諒.
但真的會有人追的嗎?
阿樹 - 長今短說 第五十二集
其實我都有時會睇,都幾好睇架~映灣edison - 長今短說 第五十二集
有taste呀你!