突然間醒起一個好感人既故仔, 驚自己第日con - 狠來了
突然間醒起一個好感人既故仔, 驚自己第日唔記得, 借個位黎記記順便同未睇過既人分享下...
從前有一個女仔, 每日要趕羊仔食草, 但因為太悶, 所以有一日佢突然大叫: 狼來了, 狼來了
於是成村人準備去同佢打狼, 點知去到個女仔話隻狼走左...
第二日, 佢又悶, 又叫: 狼來了, 狼來了
於是又有好多人黎, 點知個女仔話眼花睇錯...
第三日, 佢都係悶, 再叫: 狼來了, 狼來了
只有小猫三四隻黎, 點知個女仔話訓著左發開口夢
第四日, 佢都係咁悶, 叫: 狼來了, 狼來了
仍然有一個男子黎, 個女仔都覺唔好意思, 就話其實我玩下嫁咋, 個男仔聽完就走左
如是者呢個女仔每日都叫狼來了, 全人類都當佢冇到, 唯獨是個個男仔每次都會趕去, 而知道佢冇事後亦唔會嬲
終於有一日, 個女仔忍唔住問個男仔: 點解你明知我係玩野, 你都仲要趕黎呀?
個男仔就話: 係, 我知你叫有狼既時候多數都係假既, 但係如果萬一係真咁點算? 已經冇人會再過黎幫你, 到時你一定好慘嫁, 所以你每次叫我都會過黎睇下, 我行一轉只係好小事, 但你萬一有事就會好危險嫁喇
個女仔聽完, 非常感動, 從此唔再亂叫狼來了, 亦同呢個男仔成為最好既朋友 :171: