在家... 有人煮飯 , 有人洗衫 , 有電視睇 , 有機打 阿傻 - 在家的感覺是什麼?
在家... 有人煮飯 , 有人洗衫 , 有電視睇 , 有機打 , 有網上 , 有床 , 有梳化 , 有自己一間房....
呢D... 係咪叫做家庭溫暖?
發覺身邊有家庭溫暖原來唔係好事... 點解?
因為 , 當你發現o既時候... 你同時又諗唔諗到 , 你點解會發現得到?
原因... 係你心靈空虛 , 無事等你去做 , 無人等緊你到... 唯有返屋企...
放工... 因為無事做 , so... 返到屋企 , 又因為返到屋企無事做 , 就食阿媽煮o既飯 , 又因為食完飯無事做 , 就走去睇一個你無興趣追又無興趣睇o既電視劇 , 又因為你連唔想睇o既野都睇完都無事做 , 就走入房訓 , 又因為乜都無做過而又訓唔著 , 就開o左部notebook無聊咁上下網 , 又因為太無聊 , 就好快會眼訓...
咁又過o左一日... 在家庭溫暖之下 , 過o左一日...
呢個情況... 好可能會令我咁就白白過o左一生... 好一個空虛的家庭溫暖...
其實我相信你依家既生活已經比好多人好ࣲYKK2003 - 在家的感覺是什麼?
其實我相信你依家既生活已經比好多人好好多,
至少你重有屋企人~
有家庭溫暖,
唔會話番到去家嘈屋閉(according to this blog)
我發現到既原因係因為我重視我既屋企,
雖然父母日日都係咁番工放工.........
但有陣時我會覺得,
睇唔見佢地番黎我會唔安樂...........
可能係擔心佢地做野辛苦掛~
見到佢地番黎,
心情雖然唔會話有咩太大起伏,
但係內心深處其實已經得到安慰(<-我唔係好識形容呢種感覺,不過安慰會好接近)
人真係好無聊,係都要搵d野比自己做~
有事做就話有野做,
冇野做就話冇野做~
但其實你已經忙左一日,
如果番到屋企"冇事做",
咪當relax下囉~~唔一定要搵陳比自己做的:171:
其實我都唔係好明你點解會咁諗.......(:162:)
不過有點我可以肯定~
番到屋企唔係去搵更多既野比自己做,
而係同屋企人好好交流,相處,關心~:171:
唔好諗太多啦~~~:171:
我都覺得有少少明白你ge感受,想問問你同家&jimmyogata - 在家的感覺是什麼?
我都覺得有少少明白你ge感受,
想問問你同家人多唔多溝通ga?
我都係經常有無聊--->訓-->無聊ge情況...
唔係話無家庭溫暖, 而係唔知點溝通,
你想分享的不是他們想聽的,
結果返到屋企就像你一樣了..
或者你可以去學下野, 培養下其他興趣...
不過講到底, 當你有事果陣,
最關心你果個都係你ge家人..