10月15日, 前日, 我呀媽問我呀哥酒席訂成點, 我Raymond - 妖女日記: 2005-10-15
10月15日, 前日, 我呀媽問我呀哥酒席訂成點, 我呀哥話攪掂晒, 一共21圍, 佢女友既朋友4圍, 我呀哥既朋友4圍, 佢女友家人/親戚10圍, 我家人/親戚3圍(吃屎吧!!)
我呀哥冇腦既, 佢唔覺得咁係有問題… 只係ask for我呀媽既approval.
我呀媽話, “你有冇遇有部份親戚係拜神食齋架? 同埋點解人地有10圍我地得三圍咁少呀? 我地係男家, 我地係主婚人, 得果三圍一定好冇面. 我點都要有5圍., 加多兩圍齋菜吧!”
我呀哥話:”我冇錢啦, 好d酒席好貴架…”
媽:”你唔係有八萬蚊咩? 80000蚊都唔夠落訂?”
哥:”我用離買左樓啦”
果時係房度訓覺, 但一早醒左, 我到呢度, 我心裡面由心一發:”吊!!!”
媽:”你仲乜咁快又買樓呀? 你有冇攪清楚層樓冇人死過或生過仔呀”
哥:”我問過賣屋果個人話冇”
我心諗: 佢有都唔會話你知啦死蠢.
媽:” 買左幾多錢呀?”
哥:”170萬”
我地o岩o岩賣左果間係650尺, 係新樓, 180萬買, 賣出255萬 但我呀哥新買果間係3年舊樓, 建築面積400尺, 實用面積可能300尺左右, 但係都要170萬, 位於太子道.
我心諗: 白痴仔, 大屋換細屋!
媽:”唔通一間屋有冇生過仔真係咁重要, 值得你花咁多錢?”
(唔計用離買樓既錢, 只係一次賣, 一次買頭尾用左好多律師費)
哥”:….”
媽:”總之我地男方呢一邊酒席一定要5圍, 你唔夠錢既話, 我比, 最後兩圍我比, 但呢兩圍收到既禮金全部歸我.”(我呀媽真係好識諗, 一於唔會蝕底比佢地.)
我呀哥聽倒咁之後唔出聲, 可能想返去同佢女友商量掛, 反正佢自己已經冇主見, 人地叫佢做乜就做乜, 係人地既棋子.
註: 佢地係係酒店擺,酒, 所以特別貴, 6000蚊一圍, 我心諗, 冇錢就唔好係酒店請飲啦, 充大頭鬼.
果晚, 我呀爸呀媽到我租屋既地方探我同我女友, 4個一齊打牌.
打打下, 我呀哥又比個電話呀媽. 同佢講:”你既然幫得我比最後果兩圍, 不如幫我地比所有酒席訂金丫. 我地傾掂啦, 女家親戚少兩圍, 果兩圍轉比男家, 咁我地咪有5圍law. 而家落訂會平d架, 呀媽, 快d啦”
媽:”我只會落兩圍訂, 我唔會全部落晒, 如果間酒店執左咁點呀?”
哥:”我冇錢啦, 我買左170萬既樓, 我要14日之內交多7萬比人先交到首期呀. 所以1個星期之後買我地間屋果個人交左全個首期比我地之後, 我又要全筆錢要晒呀….”
原來佢打電話離就係呢兩個目的:
1. 擺酒要呀媽比錢.
2. 預先拎晒人地既大訂.
我聽倒之後嬲到差之想掟麻雀.
我同呀媽講:”佢而家續少少續少少咁拎晒你d錢呀.
到最後你分左你應得果40萬之後, 佢可能會*又去炒股票, 蝕錢之後問你拎錢填數呀, 唔係第一次架啦, 可況今次佢知你有40萬?! 佢同果個妖女仲唔會想辦法得倒你果40萬咩?!”
*註: 點解我會講係”又會”呢, 因為我呀哥唔止一次自己係出面玩錢, 玩基金玩投資輸左錢之後走投冇路時問我呀媽借錢,救佢, 詳細唔講啦, 與今次事件冇關.
我呀爸話: ” 佢邊會咁叻丫, 一定個女妖教佢咁做既…”