記得我中二時睇過距離而家9年,當時真係一&#Raymond - 男兒當入樽(返睇舊野)
記得我中二時睇過距離而家9年,
當時真係一個好hit既故事, 無論係漫畫, 卡通.
我好多同學都係果時開始學打藍球, 每當出新一期, 就好多人去分享, 人人都講佢既劇情.
故事吸引人既地方係佢與眾不同, 一般故事主角都係踏實, 謙虛, 討好...
但呢個故事既主角係自大, 浮誇, 令人討厭.
但係佢同其他故事既主角都有共通點, 就係, 有潛力/有鬥志.
這本漫畫都有比人投訴既地方, 就係80%都係畫係球場上比賽既情況, 有d悶.
但我唔覺得.
到最後可能作者都覺得悶啦. “全國大賽”未完成就半途而廢, 最後只係幾隻字草草交代.
而卡通片板本則更加草率, 決戰海南以後就完結, 冇再畫落去.
我上星期買左26隻dvd, 每隻大約2小時, 一共101集, 尋晚先睇完第一隻dvd. 我諗今個月慢慢睇都可以過倒掛…
ps. 我從來搵唔倒縣賽之後既卡通(全國大賽), 究竟係佢冇出過定係出左我搵唔倒? 有冇人睇過?