Dear all, 我個friend 係上個星期六(15/10) 既真人真事!! 今&#瀨川音符 - 理髮黑店
Dear all,
我個friend 係上個星期六(15/10) 既真人真事!!
今日係雜誌見到尖沙咀Nap Hair Make 有個”負離子全包組合”$388, ( Highlight,
color, treatment, 負離子直/曲, 洗剪吹) 於是上去問下係咪真係$388, 個女店員答
係.於是等都唔使等佢就帶左我去洗頭. 佢用左一分鐘左右洗濕左我個頭, 我就問多佢
一次係咪$388 包晒Highlight, color, treatment, 負離子直, 洗剪吹, 佢又答多一
次係.
坐低之後, 佢拔左我3 條頭髮出黎, 我問做咩, 佢話我d頭髮好傷, 要$588, 我就話
咁貴我唔做, 佢就話咁一係幫我用隻好d藥水, 但就冇左color 同highlight, 我話唔
得啦, 話明$388 , 佢就話用$388 d 藥水做, 我d頭髮會爛(其實我一年先整1-2 次
負離子, d頭髮好健康, 佢咁都話我d頭髮差).
我見佢講到咁, 我話如果覺得我d頭髮做唔到負離子, 咁我唔做啦. 佢就話要收返$68
做髮質檢查+ 洗頭錢. , 我就話係你一開始話$388,
之後用水淋濕我個頭髮, 再拔斸我3 條頭髮, 就要我比$68, 好離譜! 之後就有多3
個男店員走過黎, 話一係比$68 髮質檢查+ 洗頭錢, 一係比$ 588 做負離子, $388
都可以做, 不過做到你頭爛就唔好怪我地. 咁我就話報警啦, 佢地就話佢地好熟行規,
就算報警或者去消費者委員會, 個頭濕左, 洗頭錢($68) 係一定要比. 因為我唔甘心
入左去1 分鐘就要比$68, 又有3 男1 女圍住我, 我就被迫比成500去整.
黑店地址: 尖沙咀廣東道2號海星精品閣2 樓Nap Hair Make (Dior對面)
電話: 2736-4328
......興得濟....打左一篇野出黎..按錯制冇左..又要Ar NiGhT~☆ - 理髮黑店
......興得濟....打左一篇野出黎..按錯制冇左..又要打過...
哩篇我簡略d..唔明再問我
第一點~髮型師如果冇必要而托高個價~另到個客唔做~公司係會追究私~個髮型師係會比人怒插加飛工
第二點~人地見意你用隻好d既藥水係為你好~真係黑店果d係照收你388~然後搞到你個頭死哂~但係!!!最後吹到你靚一靚~呃左你出門口~你返屋企先知舐野再返去理論~人地都可以話你唔識打理or唔知做過咩~
第三點~588有幾貴呀!!!大佬!?588幫你用隻靚d既藥水做~都係洗剪吹直髮highlight colour~588包哂呀!
你自己行遠d去第2間~做個full colour都3舊落樓啦~highlight+base都4-5舊啦
宜家588洗剪吹直髮技術挑染焗油~~仲話貴??貴到要報警??????冇錢咪去整頭啦~少少錢都洗唔起~又要靚又唔肯花錢
第四點~你洗完頭乜都唔做~係你問題~你可以洗吹~比多少少錢可以cut埋~剪頭髮唔洗188啦掛?~為果少少?仲理直氣壯咁?
第五點~你個fd講既都唔知係咪全部~人地話佢把頭髮傷~佢又話自己d頭髮唔傷~我自己做哩行見得多~成日以為自己小整頭把頭髮就唔傷~頭髮傷唔傷唔係計次數~仲有好多野睇~普通用風筒吹頭已經係一種傷害頭髮既動作...我唔信一個貪錢女人既看法會比一個髮型師專業~~~
打住咁多先~廢事一陣隻手又凍又震又按錯制冇哂~
我講左咁多如果音符你依然覺得你朋友o岩哂~間salon錯哂既~~講黎聽下點解!?
希望各位唔好見人踩你又踩~比d主見~咪白痴仔咁人講一句黑店你又踩一腳~
諗諗下..果個係咪你個fd黎?定你睇到見無野做&Ar NiGhT~☆ - 理髮黑店
諗諗下..果個係咪你個fd黎?定你睇到見無野做就個個論壇走去轉貼?其實唔識唔知咩事既:156:
點解貼去轉貼區唔貼口水區~多d人睇到嘛:156: 反正你唔提轉貼成篇野都好似你打出黎咁
圍住人你又知係咩意思??人地講你又信呀?我Ar NiGhT~☆ - 理髮黑店
圍住人你又知係咩意思??
人地講你又信呀?
我覺得情況係幾個髮型師身邊stand by既junior而己~
同你講~做jun好辛苦~你個客傾幾耐就要係身邊stand by幾耐~準備幫客整頭
有d客傾點整都傾成幾十1分鐘~我地就企係身邊幾十分鐘
咁你宜家聽完第2個版本~仲有冇問題?
圍人???打交呀??人地公司打開門做生意~有d腦既都會諗到..圍人既意思~唔通兇你咩~:156:
仲有~如果段野係我打~我打6個人圍住~我打~你睇~你又信啦喎?
你真純:171:
唔係有心話同你辯論貴唔貴係令一回事， just_hk - 理髮黑店
唔係有心話同你辯論
貴唔貴係令一回事，而係個髮型師d態度好有問題
佢話得係388，做客既邊知咁多?點會預左入到去又要令外比一筆錢?
萬一個人真係帶得388呢?咁又要比佢電爛d頭髮啦喎...
篇文已經講明佢原本d頭髮好健康....但都要比人屈d頭髮差
而且，站於專業見解同埋一般客人見解，係唔會一樣
客人多數只會從簡單的價錢，服務，質素黎睇
有得罪既多多見諒
咁佢係可以唔做傢嘛洗完頭唔洗比錢呀??公&#Ar NiGhT~☆ - 理髮黑店
咁佢係可以唔做傢嘛
洗完頭唔洗比錢呀??公司唔搵幫你洗頭果個junior都要錢啦係咪呀?唔係白洗傢??
仲有~你又唔係聽到髮型師講野~從何得知佢態度有問題?
公司我唔係換得多~做過5-6間~但未見過一個髮型師敢兜口兜面用誨氣說話同客人講野
最多個客人講極唔明or好似上面情況咁~好無奈~
你覺得事主慘?個髮型師態度差?我想相覺得成件事最無奈係公司入面招呼個客果班人
【篇文已經講明佢原本d頭髮好健康】...你哩d咪先入為主囉
你走去髮型區問呀~有幾多個做哩行~見過幾多客個頭傷到不得了都話自己唔傷~
掉返轉有d真係把頭髮好傷~但佢自己都一定要整頭髮!!哩d都有~
哩句簡直係一個e生話你咳緊唔好~要食藥~你話你好健康~冇咩事~唔食!~
最後果2句你o岩
so~佢一心貪平~想要388~但問題佢個頭如果夾硬做388~出黎效果會好差~
人地見意佢做588~只係為佢好~哩種服務態度絕對冇問題~而質素~就好似我咁講
佢做388夾硬做~佢應該吊得仲勁~~因為把頭髮會...同埋個客亦唔會再返去
其實你再睇多次果篇文
代入事主個態度~首先邊差態度果個係事主...........
and then係佢發癲似的要報驚~你開左位~坐佐飲茶唔食野都要比茶錢啦
再加上我第一part已經講左~公司唔賺你錢...幫你洗頭果個都要錢啦係咪呀?
o禁.....$388好似取巧左D.....點解洗左頭先髮質檢查? (nShalala - 理髮黑店
o禁.....$388好似取巧左D.....
點解洗左頭先髮質檢查? (ng 好理系o米 1 min 洗頭先)
如果要檢查左先確定可ng可以做$388 , 點解女店員不說明先lei?
Ar NiGhT~☆ 兄講o禁樣會比公司插 , 但是 , 如果成間都系有問題 lei?
p.s. junior洗頭得幾文雞 jar wor(好似剪髮先有tim...), ,E+個客有投訴 , 駛ng駛計o禁足?
我個fd講,我打字: 我都有去過nap整頭髮喔,不過û大大小小 - 理髮黑店
我個fd講,我打字: 我都有去過nap整頭髮喔,不過我事先打電話去問係唔係淨係388蚊0個時, 個職員答我,係要視乎情況而定,如果頭髮之前未電過或者染過, 係可以用388 0個隻。
如果整過而頭髮唔健康就要用588 0個隻啦,佢有係之前解釋清楚喔, 同你個fd d講法唔同.
仲有, 幫我洗頭同剪頭 0個兩個都ok nice, 唔似你所講咁凶
我第一次整得唔好,之後去補highlight+剪都好易話維!!
其實我覺得重點係洗頭前職員有冇解釋＄ᦂ火義 - 理髮黑店
其實我覺得重點係洗頭前職員有冇解釋＄５８８會有出現可能性，若冇，間公司係有取巧及責任，因為事先係＄３８８吸引當事人，到洗左頭先話５８８好似呃人，若果話人貪便宜就証明你幼稚，邊個會憎錢多？間公司話呢個價錢就要負責任，我覺得遘得幾有型冇用，最緊要係有道理
其實你睇完要唔信的話你仲打咁多野仲乜&#蠱精 - 理髮黑店
其實你睇完要唔信的話
你仲打咁多野仲乜
我知你做d行知道好多d行d野
但我一個普通人見到d篇野
第一個問題就係 拔左佢3 條頭髮就叫髮質檢查?
都好專業噃
第二就係洗唔洗四個人一齊走過黎 要解釋一個人都夠啦
你地得閒都要顧下個客既咁受架 而且佢講個d野好明顯係迫緊你
總之d間野d做事程序或態度或者可以話個腦有d問題
理髮店, 我只會去相熟的, 因為讀書時, 我的ࣲHildaHilda - 理髮黑店
理髮店, 我只會去相熟的, 因為讀書時,
我的好朋友都試過幫襯黑店, 地點是葵涌廣場,
佢地門口寫明學生理髮幾錢, 冇記錯係低於$100的,
當我朋友剪完後, 佢地就說我朋友剪時沒有出示學生証,
要付500多元才行...
我朋友說當時也是有幾個人圍著他, 他嚇得付了錢便走了...
ps. 這事是我中學時的事, 有6~7年前的了...
當時一般的理髮店, 都只雖二佰多元便可...
而且我朋友亦只是普通的剪短頭髮, 用不著要500多元...
可能佢地見一個女仔好蝦d....
所以最好都係去d相熟既會好d回topic:依件事所&#雷里爾 - 理髮黑店
所以最好都係去d相熟既會好d
回topic:依件事所睇 間野既做法的確有d問題
我覺得main pt都係無理由係起洗完頭先話d髮質唔得要收貴d
起呢個時侯已經係有呃錢成份喇~
唔做又要收洗頭錢 已經呃左客人既錢
所以呢間野的確唔係太掂- -
我都好奇怪做乜個post咁耐都未沉先，入黎睇&#瀨川音符 - 理髮黑店
我都好奇怪做乜個post咁耐都未沉先，入黎睇睇先知原來有人咁不滿…
首先~貼得係轉貼區，就緊係轉貼啦，我係係e貓轉貼出黎既，當時人我唔識，係真係假我都唔敢講，甚至無間咁既野都唔奇，但係轉貼區本身就係轉貼架啦，唔通每次睇到d野我都要去求証下先post出黎？咁d關於歷史科幻既post就一定唔駛轉啦，你要話我得閒無野做我都無法:63:
貼出黎就係想大家睇睇ja，你有獨立思考你有權唔信架喎，但係你唔好插我先得架，我都係轉ja…
再講返個post，問題唔係在於588好貴，而係間野以平價引你入去，再收你貴價，如果你去食飯，門口寫快餐$20，到你叫左野之後佢話$20其實係食屎既，不如食$40個餐食牛排啦，唔食$40都得，叫返杯$10既奶茶啦。咁你又覺得點丫？$40唔算貴喎，$10杯奶茶都正常丫，問題係在於間野有d搵笨囉…
一年1or2次負離子.其實已經好傷喇.我系呢行ࢂ俊仁 - 理髮黑店
一年1or2次負離子.其實已經好傷喇.
我系呢行唔系好耐.但基本野都知一二既...
其實最傷頭髮根本既就系做負離子.
負離子既原理就系條頭髮監硬拉直佢.
重點 : 系監硬!
只要做過一次.其實有部份頭髮已經算系死髮.
除非你剪左佢啦.如果唔系佢依然系一條死髮.
髮質唔健康.缺乏營養.外層枯死.
呢d都系做完負離子通常出現既情況.
客人多數都以為自己頭髮冇咩損傷.
其實都系比表面呃左.
話提講到太遠喇.
回Topic.
個人覺得系公司政策問題.
公司要點經營,點搵生意,點做生意.
完全系老闆問題.與髮型師及Jun系無關系既.(唔知串得岩唔岩 :164: )
其實呢行真系幾辛苦.髮型師&jun都系以客為上.
唔止企.仲要同個客溝通等等.
遇著d死人『欣宜類物體』,仲要笑口西西果下先慘呀.
做細場的話,仲衰.
全日忙不停.幾廿蚊,舊幾水整個頭.忙到阿媽都唔認得.
所以唔好將個箭頭放系員工身上.
假如呢偏轉貼文所表達既野真系屬實的話.
就只可以話『呢間公司既經營手法有問題』
(重申一次,假如屬實的話)