今日已經係第8個月.呢8個月你對我好好, 亦ųRaymond - 一起非偶然
今日已經係第8個月.
呢8個月你對我好好, 亦都令我對香港女仔改觀(各位網友, 如你地有留意, 我近呢兩個月都冇講過香港女仔任何壞話)
你會每朝幫我做早餐.
你會好痴身.
你會好關心我.
你會成日打電話搵我.
我唔開心時, 你會講說話開解我.
尋晚你同我講左一番說話, 話你8個月前(我遲遲都未行動之前), 有一個男仔成日追你, 日以繼夜, 你仲同佢出過幾次街, 打過幾次機, 你都係咁學識係街打機.
如果8個月之前, 唔係我有一日鼓起勇氣向你表明心聲, 可能幾日之後, 你就會同佢一齊, 呢8個月既歷史可能要改寫了.
你話過你以前唔會去關心人, 唔會在意對方, 以前既男友是如何關心你都好, 你都冇放係心上.
但係同左我一齊之後, 你就學識以上既野.
我而家係瞞住你做左d好對你唔住既事, 但我會盡力解決, 我會係你知道之前張件事解決, 我已選定你了, 我唔會令你傷心.