AAAABBBB - 大破HOD4~
尋日終於1con爆到HOD4啦....簡宜開心到唔知講咩:28:
打熟咗,發覺路上怪比大佬威脅更大...呢次爆機扣血既位有:
s1比大佬踢咗一野,攞s過關 :victory:
s2比屎怪咬咗一野,the lovers就比我炒咗 :190:
s3路上比怪打咗兩野....五格血入去,攞第一個藥箱後再比怪打番野,再攞第二個,五血打大佬
電車男.....居然中咗第一下.....有冇搞錯:28:....結果又係五血過關
s4一路上都冇咩大問題...因為去到有藥箱既路,中途食咗一下但係都補番
大肥波....炒咗 :190: 上到樓第二拳係意料之外的cancel到....第一次perfect勝利
s5..路上激戰,手榴彈掉晒,轉到入停車場食咗一下,之後shake掂攞番一格
the star....超苦戰,居然中咗一下側斬,一下空中降落斬加兩下飛標....得番一格,補番到兩格入最後
s6....對付大隻佬時掉咗兩個手榴彈...雙劍其實最廢,但細粒機械人就最屈機 :32: 好在冇中到招
先攞咗第一個藥箱,三格喇,上到樓,用埋手榴彈炸細粒機械人,終於順利入到寶物天堂....
順理成章地五格血,去到最後大佬啦!!
the world...
第一型態明顯的只係沙包....d冰封我都廢事打,shake off了事...冰斬只係得個樣,冇難度
之後放冰粒....三十粒子彈爆一粒冰,所以冇咩特別...唔洗用腦,十分易打
到第二型態,真正開始玩野了....
左右雙龍-廢招....只係左右左右咁打就已經破到....
轉轉龍-最玩野既一招,破既方法就係跟住條龍轉...我比呢招扣咗一格,當十佬再出呢招時我就破咗
左右龍咬後腦- 一般....o係佢出現果陣對住中間射...跟住追住其中一條狂射,最後打埋另外一條
飛龍在天-唔係太識破....連中兩招,但係血搏血已經搏低咗隻大佬...WIN~ :victory:
感想:對比上集最後大佬果種史無前例既屈機+變態程度,今集大佬好明顯係[仁慈]咗好多...
上集既Wheel of Fate實在太過份,一打隨時逼你打至今二十分鍾...難打之餘夠唔夠力仲大問題
幸好今集難度降低,把槍既設計又好咗好多,爽快感都高咗!
想試下呢種快感既朋友,就一定要玩The House Of The Dead 4喇! :victory: