我響九龍灣淘大一間網吧(現吉野家位置)度Hyde Hydee - [夢] 20/02/2006 ~3.00am
我響九龍灣淘大一間網吧(現吉野家位置)度上網, 我入FightClub其中一個區, 類似係影片分享響 :
click左入去開段片黎睇, 立即進入另外一個畫面。
ps 我以第三者身份處於呢個夢境。
晚上, 一架約16人van仔響某馬路上行駛着 (類似西貢去d郊野公園果d偏僻馬路), 入面載住一大班學童, 而以我角度去睇就睇到有一架紅色開蓬跑車一路咁響架van仔隔離 (單程路, 但係冇車迎佢面來), 但係我只係見到揸車果個人嘅背面。佢著住一件好似天空咁嘅t-shirt, 頭染左金色, 一手控呔, 另一隻手夾住支煙, 放左響車嘅出面。
畫面返番去車上面, 果班學童around~小六至中二, 我就響最後排。突然, van仔嘅走火門不停係咁比d野撞, 但係由於天色太黑, 所以冇人知道襲擊者係咩人! 坐係較後排嘅學童好驚, 個個都唔敢靠近走廊同走火門, 全部貼哂埋個窗度。一輪嘅襲擊稍停左一停, 靜左一靜, 度門冇再被撞。
當大家鬆一鬆口氣之際, 佢地嘅上面又比人施以空襲, 成個車頂比果d野撞到凹哂, 佢地為左唔比果d野撞穿個頂, 只好成班用腳頂實。果然, 攻擊停左落黎, 但點知度門就一野比人撞開左!! 你估下係d咩黎?
原來係一團火 (鬼火??!!), 佢入到黎就不停四圍咁燒人, 大家都響度叫救命。當團火衝到去車頭想燒埋個司機之時, 有個面無表情, 口啣住煙, 一手插褲袋嘅男士, 另外一隻手就拎住個滅火筒, 好快咁向住果團火噴過去...團火消失左, 而呢位人兄就係Gackt喇!! (係真咖!)
van仔停泊響路邊, 受傷嘅學童就留響車上面等候警察同救護員到場, 而冇受傷嘅就落車多謝恩公。「好多謝你呀! 你救左我地!!」學童代表成車人多謝Gackt。「好彩多得Hyde通知我炸!」Gackt搭住Hyde膊頭同按住Hyde腹部, 好謙虛咁歸功比佢~ 原來一開始Hyde就知架車會有危險, 一直咁響車旁傍住, 邊監視邊等Gackt。
突然, 有一個紮住一條「火辮」嘅男人衝向Gackt度 (鬼火真身??), Gackt輕易一閃避開左佢嘅攻擊, 閃到去佢後面之際, 佢響條友嘅後尾枕度一「喙」, 暈左。
警察同救護車黎到現場帶走所有人, 冷冷清清, 剩低Gackt同Hyde二人。Gackt一手點着三飛煙, 呼出煙炮, 而Hyde就好優雅咁點着佢口果枝。兩個人「i」住架跑車, 望住由海平面升起嘅太陽, 我就望住佢地兩個人嘅背影, 好正呀! (以我從後面度睇過去, Hyde響我嘅左手面, Gackt就響右手面)
二人同四周圍嘅環境融為一體, 成個畫面變哂橙色; 呢個時候, Hyde個頭慢慢咁放響Gackt個膊頭度 (Gackt本身已經座低左, 所以Hyde個頭岩岩可以擺響Gackt個膊頭度), 情景好浪漫。睇睇下, 喊包Hyde露出佢感性嘅一面, 「我好耐冇見過呢d咁感人、咁浪漫嘅景色喇!」Hyde開始眼泛淚光, 嗚咽地說。 不久, 佢嘅淚水慢慢咁一滴一滴從佢烏黑嘅眼眸 (Make up: unmelt Eyes smoke) 流落黎。淚水多得濟, 佢終於忍唔住喇! 佢走到去Gackt前面, Gackt好自然咁企直, Hyde用佢個額頭溫柔咁貼住Gackt嘅心口, 大喊一番!!! (我響Hyde嘅右手面, Gackt嘅左手面)
體貼嘅Gackt, 一隻手輕輕咁撫摸Hyde果把柔順嘅金髮, 而另一隻手就用少少力將Hyde抱入佢自己嘅懷中; 佢果對柔情似水嘅眼神, 正望住一個只係為左一幅感人嘅畫面而喊個不停嘅小姑娘; 佢嘴角翹起, 溫柔地徵笑着, Gackt完完全全投入左去呢個moment度, 讓Hyde響佢嘅懷中喊個痛快。
Hyde喊嘅程度漸漸好轉, 由放聲大喊轉為啜泣。呢個時候, Gackt用雙手稍為響Hyde嘅手臂度推一推開, Hyde垂低頭不敢被Gackt睇到佢嘅花臉。Hyde果對水汪汪嘅眼睛仍然不斷地留出水珠, Gackt雙手拎走佢口中果三枝煙, 再小心翼翼咁拎走Hyde果枝… Gackt烏低身, 臉龐慢慢貼緊Hyde塊臉。佢溫柔而又軟塾嘅咀唇, 輕輕咁響Hyde嘅左面上錫左一下, 帶走左一滴水珠, Hyde對於Gackt呢個動作感到有少少愕然, 只好呆呆地向前瞪着眼; 隨後, 濕潤嘅巧唇再下一城, 由Hyde嘅左臉向右輕掃, 響Hyde果張因啜泣而不斷抖震中嘅小咀上深深咁錫左一啖, Hyde閉眼享受這一刻。
雙唇緊緊貼左一起約五秒後, Gackt轉身, 並悄悄地離開畫面, 而Hyde仍閉着眼約兩秒, 然後張開, 雙眼各自流出一滴閃爍的水珠。微笑~
畫面返番去淘大網吧, 我同我個frd走左出黎, 我忍唔住響度喊! 喊到我抽哂筋, 喉嚨勁辛苦...我踎左係度行唔輒...
-完-
醒左。喉嚨真係好辛苦, 雙眼真係好濕 @@ 跟住我就諗返呢個夢, 喊左出黎...跟住訓返~