係公司通頂通到嘔.諗起上個星期發生既事,Raymond - 補寫日記
係公司通頂通到嘔.
諗起上個星期發生既事, 其實一直都好想寫, 只係真係冇時間..
上個星期唔記得係星期幾, 係3-8婦女節, 同時都係我女友生日.
果日帶埋佢呀媽去食野, 我諗住可以同一時間"*興"祝兩位婦女, 亦可以興祝埋生日, 一舉三得,
去食自助餐, 230一位.
食完之後一齊返我屋k, 果時我話唔好返去住, 落街行下,
一齊走去一個西餅店度, 拎左個大蛋糕, 我女友估我唔倒, 都算係一個驚喜掛.
吹蠟燭時佢許左個願, 個願許左好耐, 起碼5分鐘, 我心諗, 佢唔係貪心就係長氣, 再唔係就係三心兩意
但係我已經將成個吹蠟燭/許願過程用dv拍低左, 做留念
蛋糕有三磅重, 夠6個人食, 但係只得我地三個, 仲要o岩o岩食飽添, 食倒一半算唔錯.
最後佢同我講:
上年未同我拍拖, 好多人同佢祝生日, 好熱鬧, 好開心, 今年得我地三個, 但係更加開心.
:o131: