認真討論禁煙問題

點點點 - 認真討論禁煙問題

唔知大家點睇,我個人其實想講好耐
早幾年開始聽到有人講話要禁煙,果陣都唔覺得係乜野問題...
跟住有好多食店都有分吸煙區同埋不吸煙區,我都覺得無所謂...
上年開始,試過去某D地方食飯,果度既人話唔俾食煙...我呆左一呆
我係一名吸煙人仕,我覺得分左區其實都照顧左食同唔食兩班人既要求
我睇報紙好似話有市民嘈覺得茶餐廳食煙好大問題,老實講我真係唔覺...
而家話07年1月1號全禁,我覺得好過分囉...
剩係照顧唔食煙既人就夠?岐視食煙人仕嗎?
根本係人都知食煙會上'引',政府咁本事咪禁埋買煙囉,等大家無煙食就天下太平..同埋我見而家出面好多酒樓同埋食店都仲有幾多人食煙,要禁...即係無生意..
呢排都同一D做開酒吧既老細傾開計,佢地都話擔心無生意...
講真,酒吧K房無煙食小幾多生意,政府係咪付責先...
我只係覺得唔憤憤不平,點解要針對食煙既人先???
如果實行,我以後真係晚晚返屋企咩...邊度都話唔食得煙...
最攪笑佢話竹館都唔俾食,ON膠~
個個去打牌人地第一件事就係俾包煙你袋,點禁???
其實真係唔可以一人讓一步咩?係要食煙既人就哂唔食煙既人...
好唔公平~

咁掉轉囉...唔食煙就番食煙好唔好....食煙本ŭ

小比比 - 認真討論禁煙問題

咁掉轉囉...唔食煙就番食煙好唔好....
食煙本身真係影響健康...政府而家咁做...
都係等食煙d人自己去食番自己d 2手煙..
等d唔食煙既人唔好再吸d 2手煙..
而家先叫公平...:171:

根本唔食煙既人係多過食煙既人好多,係佔8-9&#

sunnysisi - 認真討論禁煙問題

根本唔食煙既人係多過食煙既人好多,係佔8-9成左右...你話食店無生意, 其實英國o個邊已經有個統計, 超過2/3(好似係呢個數, 記錯的話只會有多無少)食肆因為禁煙而令到生意額增加...英國o個邊原本好多開舖頭既人都好擔心少左生意, 但係come up既result實在令人鼓舞．

至於你話分左禁煙區就可以解決問題...老實講，我真係唔覺得好大用處，我發覺D煙都係一樣飄埋黎，又成身煙臭，呢個情況響細既食肆尤為嚴重(例如茶餐廳)，入去食野已經覺得頭暈，食完飯又成身臭，呢D食店我已經唔多去．我女友仲慘，一邊食一邊咳，明明無煙區架啦，坐得近左吸煙區之嘛就搞成咁，真係食飯都食得辛苦．

講到岐視食煙人仕....呢D野雙向既o者...唔禁煙我一樣可以講岐視不食煙人仕，對不食煙人仕好唔公平既o者....唔通不食煙人仕走去平機會投訴咩....總有一邊要讓步架啦．

其實講到尾，我發覺好多吸煙既人低估左食煙對身邊既人既影響．有D人以為響街食，街上一向空氣都唔好架啦，多佢D煙有咩所謂，但係當你前邊o個個人無啦啦整股毒氣出黎你又避唔倒，吸二手煙o個個真係好辛苦，食煙既人永遠都唔會知有幾辛苦．我今朝先響我個frd個BLOG度講，我有個同事直頭係詛咒食煙既人比車車死添呀~你就知道D人真係好討厭吸二手煙．

我唔係話一定要唔食煙既就只係我開頭都

點點點 - 認真討論禁煙問題

我唔係話一定要唔食煙既就
只係我開頭都以為分左區都足夠...
我食完飯通常都會食支煙先走既,我都唔係特登想影響人...

我覺得你既意見中肯一點,謝...
我同時都開始明白2手煙的問題,我應我係底估左個問題
咁食店唔俾食,出街食又會影響空氣...
其實真係返屋企食???
我唔係想爭取乜野,只係我覺得可以食煙既空間...都唔知係邊
你同事咁講又好似激左小小,不過我打呢段野出黎只係想講小小感受,唔係一定要得到認同...

我係覺得食煙係一種額外既野..無人一出世&#