一句以前天真很傻就可以交代了嗎？咁而竹影 - Gill 的回應...
一句以前天真很傻就可以交代了嗎？
咁而家時下小朋友都可以影呢D相，咁樣拍短片啦，一句話自己唔成熟咪得囉~
長大了又關咩事呢？咁而家成年人影慾照又有問題、係錯架咩？有無清晰咁解釋呀？
有無諗過對好多青少年、小朋友有影響架？
係咪應該正面呼籲一下呀？
佢明知好多Fans都係比較年輕架啦~
還是只需要詳盡同Fans交代而對全港市民就咁樣就叫做交代左~
我欣賞佢企出黎(最起碼佢唔係扮受害者)，但呢件事件係無意思囉。
最少都呼籲下未成年不應該這樣，我只睇到佢回應出發點只向自己的利益而非負責任。
講真我唔同意你的諗法阿嬌係成年人，有Adamska - Gill 的回應...
講真
我唔同意你的諗法
阿嬌係成年人，有性生活好正常
佢又唔係預左拍俾大家睇，兩個人的房事，就算佢鍾意玩皮鞭滴蠟，都不關旁人事
呢d 時候應該係師長父母向小朋友灌輸正確的性觀念，而不是站在道德高地鬧對方「偽人」
將自己的責任轉嫁落呢d 現成的方便之門
連性教育都要娛樂藝人做埋？無野下嘛？
講句衰d 人地係賣娛樂服務，本身無呢個責任播，唔係紅就一定要做「榜樣」
heavy metal 都多年輕人追捧，唔通唱完歌又要呼籲大家孝順父母愛惜生命咩？
你去七仔買煙仔，個收銀會唔會叫你得閒食多兩炷菜跑多d步呀？
道德性知識呢d野，梗係貴客自理架啦
佢的性生活係點我無意見亦唔關我事，只߹竹影 - Gill 的回應...
佢的性生活係點我無意見亦唔關我事，只係影得都預左有機會涉漏，
某D相都唔似係好耐之前，真係因為天真嗎？我唔會相信~
灌輸正確的性觀念父母角色當然重要，但對於一個紅星來說，
佢所做的說的都有影響力。若然做榜樣唔重要公司就唔會裝飾成佢係純真一面啦，佢地最大市場係年青人。
你自己問佢想唔想成為一個好榜樣呀？佢會點答你？點都會答你想啦~
我沒有說過她要教埋性教育。
只是我對佢的回應並不接受，因為她說的是以自己為出發點，是藉口，
我看不出她是真心的。
發生了的已成過去，佢做過咩又點？
但發生左之後，回應的只是一堆表面說話，要好好睇睇的。
我是很欣賞佢站出來，但她回應的內容是無意思的。
你去買煙個收銀緊係唔會同你講叫你食多D菜跑多d步啦，
因為佢根本唔在乎你的生死，或者怕同你講(點知你會唔會話佢多事？)，佢做D對自己最安全講D無風險的說話咪得囉，駛乜對你負責任？(我覺得亞嬌就係做緊呢樣野。)
只有愛你的人先會叫你唔好食煙同健康D。
佢真係珍惜支持佢ke人咩？基於佢說的我唔覺得。
我諗呢件事的發生佢第一時間係諗自己唔駛再撈多過對其他人的影響有幾大。
你講的都對，因為好多野都唔怪得別人，是自己的責任，唔怪得別人。
這些都只是我個人的意見，當然同一件事有無限看法。
我對亞嬌的期望係可以最少令佢的青少年Fans係正面同健康，講真我覺得佢唱歌又唔得，得個靚字，演技一般啦。
而我欣賞她的是勤力，個人無乜是非。
影得相就預左洩漏？你係咪入得錢落銀行AAdamska - Gill 的回應...
影得相就預左洩漏？
你係咪入得錢落銀行，就預左俾人打劫或者偷？
乜logic黎架，呢d意外，無人想發生架喎
陳冠希唔似謝Ox 果類，又醉駕又要人頂包
佢只係自己的私房事被人竊取公開，唔係自己選擇 (當然你可以話點解佢四圍滾, well 佢係藝人不是耶穌)
我唔係Twins既fans (超晒齡)，所以先至會抽離d 咁睇呢件事
查實要佢向青少年呼籲不要效法...呢d 真係小朋友一廂情願的諗法
一個短短10分鐘的PR記者會，講每一句野都會被人以無限方式去理解
尤其係想寫臭你sell多d的報章雜誌，一定唔放過作野的機會
阿嬌作為員工，講的每一句說話都直接影響公司利益，佢揀d 講左幾乎等於無講的說話
係職業需要，公司 和 fans 二選一，你不會認為阿嬌為了fans 可以釘十架吧？
我諗你應該清醒d，偶像是不會愛你的，大家只是商業關係，戲子之言莫輕信
你有呢d 諗法，只可以話佢過往的包裝做得太成功
甚麼想青少年學好的說話，只是包裝的一環
不要因為粒糖有陣甜味就以為係健康食品先得架
我酒井明同意閣下o既講法。我覺得，如果Ë酒井明 - Gill 的回應...
我酒井明同意閣下o既講法。我覺得，如果佢講話"年青人唔好學"、"年青人交友要小心"呢類說法，先至係講緊門面說話。因為，第一，呢D係由阿媽阿爸教，即係家庭教育，即係家教；第二，調轉黎諗，呢D係一D"阿媽係女人"o既邏輯黎喎，仲駛人教？
自己做錯野，唔好話"某某某明星都係咁啦"，然後攤開雙手扮冇野；呢句說話，只適宜留返黎呃自己。阿嬌阿Sa由出道到而家，一直賣緊o既根本就係包裝，擺到明話你知係假野黎，其實主要係哄騙一班有戀學生妹癖好o既中坑落疊o既對象。個人認為，佢地只係撇除o左"鹹"呢個要素之嘛；整體宣傳、包裝手法同AV女優直頭一樣。
所以，我反而覺得奇o既，係有人真係以為佢地係純真囉。 :310:
陳生之前已經俾人打幾勻, 我想知佢今次下為.. - Gill 的回應...
陳生之前已經俾人打幾勻, 我想知佢今次下場會係點......:93:
回topic: 阿gill係受害者.. 肯企出黎面對已經好好! 唔通真係要一死以謝天下咩:30:
又唔係甘講既，之不過意外依d野無人會想į∼鈴∼ - Gill 的回應...
又唔係甘講既，之不過意外依d野無人會想發生，所以要未雨綢繆。
正如無麥人會帶住2,3萬現金係身，係夜闌人靜既時候唔會一個女仔穿性感衣服入後巷。