昨日參加了「龍騰虎躍．黎明篇」三國志࣪玄也 - 龍騰虎躍．黎明篇
昨日參加了「龍騰虎躍．黎明篇」三國志大戰2.0將星邀請賽
（個名真係長……）
三十二人單淘汰賽，
一輸就 Bye。
睇返個 Setting，
同埋佢貼出黎個張晉級紙，
都好似我舊年係新宿睇既個場初賽好似。
講明將星邀請賽，
被邀請既粒粒皆星。
我呢 d 低水平人士，
當然冇份被邀請啦，
自薦而已。
比賽地點係新場 -- 灣仔天樂城，
一間門口似茶餐廳多過機鋪既機鋪。
環境一般（真係講得厚道），
除了大煙、空氣唔流涌、走廊窄（企唔到太多人）、唔近港鐵站之外，
其實問題都不大。
講返個比賽，
因為冇乜卡既關係，
吳六出戰。
第一場就對甲蟲 deck，
計 deck 相性已經蝕，
計埋個人就更加蝕，
本輸黎打。
一開幕就被人清場，
不過我打得差時，
對面比我打得仲差。
佢攻落黎，
反唔到火計，
救唔到田豐。
我反攻，
佢隙無唔齊人。
連翻心理打擊下，
落城勝。
成場最滿意係一騎討，
孫桓一條無雙 Bar 都冇既情況下，
拍到盡四無雙一激，
挑走佢隻袁紹。
係個一刻，
我感覺唔到任何開心或唔開心。
只係好集中係場上既比賽，
即係運動心理學所講既「順流心境」……
十六強戰，
又係對征霸王，
又係對副相性極差既 deck -- 二枚看枚。
第一次嘗試新打法，
開幕比上場好左，
冇被人清場之餘，
仲打到城。
不過之後亂左，
落城敗。
黎緊有官方比賽，
八場既初賽一場決賽。
上兩屆我幫手做史官，
今屆有新既崗位，
希望能適應啦。
上年既決賽，
我去左日本，
無緣睇；
今年既決賽，
入左西貢攪接力賽，
希望趕得切出黎。